जाती:
भारतीय कृषि अनुसंधान संस्था, नवी दिल्ली अंतर्गत राष्ट्रीय बियाणे पीक संशोधन केंद्र अजमेर, राजस्थान यांनी पुढील जाती शोधून लागवडीकरीता प्रसारीत केलेल्या आहेत.
1) अेअे-01-19:
ही जात जुनागड कृषि विघापीठ, जुनागड, गुजरात यांनी विकसीत केली असून ही लवकर तयार होणारी जात आहे. कालावधी 150 दिवस असुन हेक्टरी 10 ते 12 क्विंटल पर्यंत उत्पादन मिळते. तसेच विदर्भातील हवामानात भुरी या रोगाचा प्रादुर्भावापासून कमीत कमी नुकसान करणार आहे. या जातीत ओवा बियाण्यामंध्ये आढळणाऱ्या तेलाचे प्रमाण ३ ते ४ टक्के आहे.
2) लाम सिलेक्शन :
ही जात आंध्रप्रदेशातून निवड पदधतीने शोधून काढण्यात आली आहे. झाडांची सरासरी उंची 60 से.मी. असते. पिकाचा कालावधी 135 ते 145 दिवस एवढा असून साधारणपणे हेक्टरी 8 ते 9 क्विंटल प्रति हेक्टरी उत्पन्न देते.
3)आर-ए-1-80:
ही जात बिहार राज्यातून विकसीत करण्यात आली असून बियांचा आकार अतिशय लहान आहे परंतु स्वाद अतिशय मधुर आहे. 170 ते 180 दिवसात काढणीस तयार होते व 10 ते 11 क्विंटल उत्पन्न देते.